ლატვიის საგარეო საქმეთა სამინისტრო საქართველოში საოკუპაციო ზოლთან სეპარატისტული სამხრეთ ოსეთის ადმინისტრაციულ საზღვართან ახლოს სადემარკაციო ნიშნების აღმართვის გამო შეშფოთებას გამოთქვამს.

სამინისტროს შეფასებით, ასეთი ნაბიჯები პროვოკაციულ ხასიათს ატარებს, ნეგატიური გავლენას აქვს რეგიონში უსაფრთხოების კუთხით, კონფლიქტის გადაწყვეტას უფრო რთულს ხდის, ასევე ხელს უშლის ადგილობრივებს თავისუფალ გადაადგილებაში.

ლატვიის საგარეო საქმეთა სამინისტრო მიიჩნევს, რომ ყველა მხარემ პროვოკაციული ქმედებებისგან თავი უნდა შეიკავოს და მოუწოდებს რუსეთს, შეასრულოს საერთაშორისო ვალდებულებები.

ლატვია მხარს უჭერს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში და მიიჩნევს, რომ კონფლიქტის გრძელვადიანი გადაჭრის მიზნით ჟენევის ფორმატი უნდა გაგრძელდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთში არჩევნებზე მაღალი აქტივობა შენარჩუნებულია: ამომრჩეველთა თითქმის 42%-მა უკვე მისცა ხმა.

მეუფე ნიკოლოზი: მგონი არასწორია ადამიანს უთხრა, პატრიარქობა არ შეიძლება, რადგან 70 წლის ხარ

უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა

აშშ-მ და ირანმა ომის დასრულების შესახებ შეთანხმებას ვერ მიაღწიეს