საქართველოს თავდაცვის მინისტრის პირველი მოადგილე დავით ებრალიძე, მინისტრის მოადგილე ანა დოლიძე, გენერალური შტაბის უფროსის პირველი მოადგილე, პოლკოვნიკი ომარ ბეგოიძე, თავდაცვის მინისტრის მრჩეველი მაია ქავთარაძე და შეიარაღებული ძალების წარმომადგენლები სამების საკათედრო ტაძარში აფხაზეთის ომის დროს, ბაბუშერას აეროპორტში თვითმფრინავის აფეთქებისას დაღუპული მებრძოლების სამოქალაქო პანაშვიდს დაესწრნენ.

„პირველ რიგში, მინდა მწუხარება გამოვხატო და მივუსამძიმრო ოჯახის წევრებს, ჭირისუფლებს. დღეს, ერთი მხრივ, მძიმე, მეორე მხრივ, კი აღსანიშნავი დღეა, რადგანაც მეხსიერება იმის შესახებ, თუ რა ერი და ქვეყანა ვართ ჩვენ, ამ ბიჭების საქციელის შესახებ მეხსიერებისგან შედგება. ეს იყო განსაკუთრებით თავდადებული, ალალი ხალხი, რომელთა ქმედება ნამდვილად სამაგალითოა ჩვენთვის“,- განაცხადა თავდაცვის მინისტრის მოადგილემ ანა დოლიძემ.

ბაბუშერას აეროპორტში თვითმფრინავის აფეთქებისას დაღუპული კიდევ 12 მებრძოლის ნეშტის იდენტიფიცირება ლევან სამხარაულის სახელობის სასამართლო ექსპერტიზის ეროვნულ ბიუროში განხორციელდა. ამ ეტაპზე, ბაბუშერას სამარხიდან გადმოსვენებული ყველა ნეშტი უკვე იდენტიფიცირებულია.

აფხაზეთიდან გადმოსვენებულ მებრძოლებს დიღმის ძმათა სასაფლაოზე 9 აპრილს სამხედრო პატივით დაკრძალავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია