საქართველოში ორი ოპერატიული სარდლობა იქნება - დასავლეთის და აღმოსავლეთის

2016-02-27 19:05:39, 720 ნახვა

სამხედრო

საქართველოში იქნება ორი ოპერატიული სარდლობა - დასავლეთის და აღმოსავლეთის, - ამის შესახებ საქართველოს თავდაცვის მინისტრმა თინა ხიდაშელმა უშიშროების საბჭოს სხდომის დასრულების შემდეგ ჟურნალისტებს განუცხადა.

როგორც ხიდაშელმა აღნიშნა, თავდაცვის სამინისტროში ფუნდამენტური რეფორმა მიმდინარეობს.

„ჩვენი ამოცანაა, რომ უფრო მობილური და ბრძოლისუნარიანები ვიყოთ. ნატოს სისტემასთან თავსებადი იყოს საქართველოს შეიარაღებული ძალები. ბუნებრივია ეს უშიშროების საბჭოსთან განსახილველი საკითხებია. ჯარის სტრუქტურასთან დაკავშირებით, მივიღეთ გადაწყვეტილება და პრეზიდენტი ხელს მოაწერს ბრძანებას, რომლის მიხედავითაც საქართველოში იქნება ორი ოპერატიული სარდლობა - დასავლეთის და აღმოსავლეთის. ეს მოგვცემს შესაძლებლობას, რომ შიდა სტრუქტურა თავდაცვის მინისტრის ბრძანებით განისაზღვროს“, - განაცხადა თინა ხიდაშელმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან