დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, მედიკამენტ პლაქველინის გამოყენებამ შესაძლოა უარყოფითი გავლენა მოახდინოს ადამიანის იმუნურ სისტემაზე.

მისი თქმით, აღნიშნული მედიკამენტი გამოიყენებოდა, როგორც მალარიის საწინააღმდეგო პრეპარატი.

„კორონავირუსით ინფიცირებული სამივე ახალი შემთხვევა ცნობილი ისტორიითაა. ერთი არის საფრანგეთთან დაკავშირებული და ორი შეერთებულ შტატებთან, მაგრამ ისინი არ არიან ცნობილი დიდი კლასტერების წარმომადგენლები. საშუალო ასაკი არის 37 წელი, მაქსიმალური 82, მინიმალური 2 წელი.

მედიკამენტის დასახელება მედიაში იწვევს იმას, რაც მოუვიდა ანტიმალარიული საშუალების დასახელებას. რაზეც ატყდა აჟიოტაჟი და დაიტაცეს მაღაზიებიდან მედიკამენტი, რომელმაც შეიძლება უარყოფითი გავლენა მოახდინოს ადამიანის იმუნურ სისტემაზე, თუ არ იცის როდის არის მისი გამოყენება საჭირო. ამიტომ, მივანდოთ ეს საქმე პროფესიონალთა გუნდს, რომელსაც თენგიზ ცერცვაძე ხელმძღვანელობს და რომელიც ადგენს ამ პროტოკოლებს.

პირველივე პაციენტიდან მოყოლებული, პრეპარატი პლაქველინი გამოიყენებოდა საქართველოში მალარიის საწინააღმდეგო პრეპარატად. ჩვენმა ექიმებმა ეს იციან და მკურნალობა მათ მივანდოთ“, - განაცხადა პაატა იმნაძემ.

ავტორი: ექსპრესნიუსი,

სოციალური ქსელები

ჰიპ-ჰოპის პიონერი აფრიკა ბამბაატა გარდაიცვალა

მოლდოვა ოფიციალურად ტოვებს დსთ-ს

ევროკომისია აპირებს, უნგრეთისგან კრემლისთვის ინფორმაციის გაჟონვის შესახებ ახსნა-განმარტება მოითხოვოს

ჩინეთი აშშ-სა და ირანს შორის ცეცხლის შეწყვეტის გარანტორის როლს ასრულებდა