ილონ მასკის Starlink-ის თანამგზავრები უკვე საქართველოდანაც ჩანს. ამის ამსახველი, ფოტოები საქართველოს მოქალაქეებმა "ფეისბუქზე" გამოაქვეყნეს.

22 აპრილს ილონ მასკის კომპანიამ პროექტ Starlink-ის ფარგლებში კოსმოსში 60 ახალი ხელოვნური თანამგზავრი გაუშვა. ამით დედამიწის ორბიტაზე გაყვანილი მიკროსატელიტების რაოდენობამ 422-ს მიაღწია. ისინი გეოსტაციონარულ საკომუნიკაციო თანამგზავრებზე ბევრად დაბლა მოძრაობენ, რის გამოც სიგნალი ჩვენამდე უფრო მალე აღწევს და ინტერნეტის სისწრაფეს განაპირობებს.

პროგრამა Starlink-ის ფარგლებში დედამიწის ორბიტაზე ეტაპობრივად გაეშვება 40 000 ხელოვნური თანამგზავრი, რომლებიც ინტერნეტით მთელ პლანეტას დაფარავენ და ამ მხრივ გაცილებით გადააჭარბებენ თანამგზავრული ინტერნეტის ამჟამად მოქმედ ნებისმიერ პროვაიდერს.

კომპანია SpaceX-ის დამფუძნებელის, ილონ მასკის თქმით, Starlink-ის სატელიტური ინტერნეტი პირველი მომხმარებლებისთვის უახლოეს მომავალში იქნება ხელმისაწვდომი. მის მიერ ტვიტერზე გამოქვეყნებულ პოსტში ვკითხულობთ, რომ სერვისის ბეტა ვერსიის დახურული ტესტირება დაახლოებით 3 თვეში დაიწყება, 6 თვის შემდეგ კი ის საჯარო გახდება.

ბექა მამუკაშვილის ფოტო

ავტორი: ექსპრესნიუსი,

სოციალური ქსელები

მიხეილ ყაველაშვილი საქართველოში ჩინეთის ელჩს შეხვდა

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა