მეცნიერებათა ეროვნული აკადემიის კომიტეტის წევრებმა თეთრ სახლში სამშაბათს წერილი განგზავნეს, სადაც ნათქვამინია, რომ კორონავირუსი ტემპერატურის მატებასთან ერთად არ გაქრება.

შეგახსენებთ, რომ სულ ცოტა ხნის წინ აშშ-ს პრეზიდენტმა დონალდ ტრამპმა განაცხადა, რომ „ტემპერატურის ოდნავ მომატებასთან ერთად ვირუსი გაქრება“.

მეცნიერებათა ეროვნული აკადემიის კომიტეტის წევრებმა განაცხადეს, რომ კორონავირუსი თბილ ამინდში ისეთივე რაოდენობით ვრცელდება, როგორც ცივ ამინდში.

„გარკვეული მოსაზრება არსებობს იმის შესახებ, რომ კორონავირუსი უფრო მაღალი ტემპერატურის დროს შესაძლოა ნაკლებად გავრცელდეს, თუმცა, ტემპერატურის მატებამ შეიძლება არ გამოიწვიოს დაავადების გავრცელების მნიშვნელოვანი შემცირება”, - ნათქვამია მეცნიერებათა ეროვნული აკადემიის წევრების წერილში.

მათ მაგალითისთვის მოჰყავთ ის, რომ ჩინეთის შემთხვევაში კვლევამ აჩვენა, რომ მაქსიმალური ტემპერატურისა და ტენიანობის პირობებშიც კი, ვირუსი ჩვეულებრივ ვრცელდება და ყოველი ინფიცირებული ადამიანი საშუალოდ დაახლოებით ორ სხვა ადამიანს აინფიცირებს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

გუდაური-კობის მონაკვეთზე აკრძალულია ყველა სახის ტრანსპორტის მოძრაობა

არააკრედიტირებული უნივერსიტეტების 2010 წლამდე გაცემული დიპლომი აღიარებული იქნება - მიქანაძე

EUA საქართველოს განათლების რეფორმაზე: ამან შეიძლება უარყოფითად იმოქმედოს უნივერსიტეტების ეფექტურობაზე

ზელენსკიმ „აღდგომის ზავის“ ფარგლებში ცეცხლის შეწყვეტის მზადყოფნა გამოაცხადა