ვახტანგ გომელაური: იყო შემთხვევა, პირს წარმოდგენა არ ჰქონდა რომელ ქვეყანაში იყო ჩამოსული

2015-03-03 12:02:44, 373 ნახვა

პოლიტიკა

შინაგან საქმეთა მინისტრის ვახტანგ გომელაურის განცხადებით, საქართველოში შემოსული უცხოელების უკან გაბრუნება დარღვევების გამო ხდება.

როგორც გომელაურმა სავიზო რეგულაციების გამო, უცხოელების უკან გაბრუნებასთან დაკავშირებით დასმულ შეკითხვაზე საპასუხოდ განაცხადა, იყო შემთხვევა, როდესაც პირს წარმოდგენა არ ჰქონდა, რომელ ქვეყანაში იყო.

"იქ არის სხვადასხვა დარღვევები. აქედან გამომდინარე, სპეცსამსახურები საზღვრიდან უკან აბრუნებს. ბევრი ჩამოდის საბუთები არ აქვს შესაბამის მდგომარეობაში.ხაზს გავუსვამ, იყო შემთხვევა, პირს წარმოდგენა არ ჰქონდა რომელ ქვეყანაში იყო ჩამოსული და უბრალოდ ჩამოსული იყო, სბაუთები არ ჰქონდა წესრიგში და გავაბრუნეთ. ელჩები, წარმომადგენლები იმ ქვეყნების მოდიან და გამოთქვამენ პრეტენზიებს. მათ ვუხსნით და უკან კმაყოფილები ბრუნდებიან",-აღნიშნა ვახტანგ გომელაურმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან