თურქეთი ევროკავშირს ემუქრება

2016-05-23 22:04:57, 1283 ნახვა

მსოფლიო

თურქეთი ევროკავშირთან დადებული ყველა შეთანხმების გაუქმებით იმუქრება.

როგორც "TRT Haber-თან" საუბარში თურქეთის პრეზიდენტის მრჩეველმა იგიტ ბულითმა განაცხადა, თურქეთს შეუძლია ევროკავშირთან ყველა დადებული შეთანხმების გაუქმება იმ შემთხვევაში, თუ ბრიუსელი ანკარასთან მოლაპარაკების წარმოებას ორმაგი სტანდარტების პოლიტიკით განაგრძობს.

“თურქეთს შეუძლია გააუქმოს ევროკავშირთან დადებული ყველა შეტანხმება იმ შემთვევაში, თუ ბრიუსელი ანკარასთან მოლაპარაკებების წარმოებას ორმაგი სტანდარტების პოლიტიკით განაგრძობს", - განაცხადა იგიტ ბულითმა.

ცნობისთვის, თურქეთი და ევროკავშირი მრავალ მნიშვნელოვან თემებთან ერთად მოლაპარაკებებს ისეთ საკითხებზე აწარმოებენ, როგორიც არის საბაჟო კავშირი და მიგრანტების კრიზისი.

ასევე შეგახსენებთ, რომ აპრილის თვეში თურქეთის პრეზიდენტმა, რეჯეპ ტაეპ ერდოღანმა განაცხადა, რომ იმ შემთხვევაში, თუ ბრიუსელი უარს იტყვის აღებულ პასუხისმგებლობებზე თურქეთი გააუქმებს მიგრანტების შესახებ შეთანხმებას.