მთავრობის დღევანდელ სხდომას რეგიონული განვითარებისა და ინფრასტრუქტურის მინისტრ დავით შავლიაშვილის ნაცვლად,  მისი მოადგილე თენგიზ შერგელაშვილი დაესწრო.

მედიას ეს ფაქტი უყურადღებოდ არ დაუტოვებია, რადგან შავლიაშვილი სხდომაზე რამდენჯერმე არ იმყოფებოდა.

თენგიზ შერგელაშვილმა ჟურნალისტებთან  მცირე ყოყმანის შემდეგ  უარყო გავრცელებული ინფორმაცია იმის თაობაზე, რომ შავლიაშვილმა თანამდებობა დატოვა და აღნიშნა, რომ მან უბრალოდ მთავრობის სხდომაზე მოსვლა  დღეს ვერ მოახერხა.

მისივე განმარტებით, დავით შავლიაშვილი ჩვეულ რეჟიმში აგრძელებს მუშაობას.

"დავით შავლიაშვილი საქმიანობს, უბრალოდ დღეს ვერ მოახერხა მოსვლა და მოვა. მის მიერ თანამდებობის დატოვების შესახებ  ჩემთვის არაფერია ცნობილი და არც არაფერი იგეგმება. ჩვეულებრივ სამუშაო რეჟიმში ვმუშაობთ",-განაცხადა თენგიზ შერგელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება

აშშ-ის საელჩომ საქართველოს დედაენის დღე მიულოცა

„ოცნების“ წარმომადგენელი: უნგრეთის მომავალი პრემიერ-მინისტრის განცხადება მისასალმებელია