ევროპარლამენტარმა მიხაელ გალერმა (გერმანიის ქრისტიან-დემოკრატიული კავშირი) „ქართული ოცნების“ წარმომადგენლებს, საქართველოს პრემიერ-მინისტრ ირაკლი კობახიძეს და პარტიის დამფუძნებელსა და საპატიო თავმჯდომარეს, ბიძინა ივანიშვილს, „მოსკოვური ქმნილებები“ უწოდა.

მან განაცხადა, რომ ისინი საქართველოს „საბჭოთა საქართველოსკენ“ მიჰყავთ და ამიტომ უნდა დატოვონ ქვეყანა და უმრავლესობას ევროკავშირისკენ მიმავალი გზის გაგრძელების საშუალება მისცენ.

„ამ მოსკოვურმა ქმნილებებმა, ივანიშვილმა, კობახიძემ და კომპანიამ, უნდა დატოვონ ქვეყანა და ქართველი ხალხის აბსოლუტურ უმრავლესობას საშუალება მისცენ, გააგრძელონ გზა ევროპული საქართველოსკენ და არა საბჭოთა საქართველოსკენ...“, - წერს ევროპარლამენტარი.

გალერმა კომენტარი გააკეთა საქართველოს მეხუთე პრეზიდენტის, სალომე ზურაბიშვილის პოსტზე, რომელშიც ის წერდა:

„დაემორჩილეთ ჩვენს მითითებებს ან დატოვეთ ქვეყანა! ეს არის „ქართული ოცნების“ ახალი სლოგანი მოქალაქეებისთვის. რეპრესიული კანონები დაპატიმრებებისა და მუქარის ტალღებით იცვლება...“

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი