ოლიგარქ ბიძინა ივანიშვილის პარლამენტის თავმჯდომარე შალვა პაპუაშვილმა უპასუხა ევროპარლამენტარის, მაიკლ გალერის განცხადებას, რომელმაც სოციალურ ქსელში საქართველოს პარლამენტის თავმჯდომარეს, პრემიერ-მინისტრს, „ქართული ოცნების“ დამფუძნებელს და პარტიის სხვა წარმომადგენლებს „მოსკოვური არსებები“ უწოდა.

პაპუაშვილის თქმით, პარლამენტის წევრს შეუძლია ეს „ატავისტური შეცდომა“ გამოასწოროს ბოდიშის მოხდით და პოსტის წაშლით.

„ასეთი უხეში, დეჰუმანური ენა არა მხოლოდ საქართველოს ხელმძღვანელობას ამცირებს, არამედ ჩრდილავს იმ ქვეყნის იმიჯს, რომელსაც ეს გერმანელი პოლიტიკოსი წარმოადგენს“. „ეს ატავისტური შეცდომა შეიძლება გამოსწორდეს ამ შეუფერებელი პოსტის წაშლით ან მისთვის ბოდიშის მოხდით“, - უპასუხა პაპუაშვილმა X ქსელში.

შეგახსენებთ, რომ ევროპარლამენტარმა მაიკლ ჰალერმა იმავე X ქსელში დაწერა, რომ პარტია „ქართული ოცნების“ წარმომადგენლებმა - მისმა დამფუძნებელმა ბიძინა ივანიშვილმა, პრემიერ-მინისტრმა კობახიძემ და მისმა „კომპანიამ“ - უნდა დატოვონ საქართველო, რათა თავიდან აიცილონ ქვეყნის გასაბჭოება“ და მოქალაქეთა უმრავლესობას საშუალება მიეცეთ, გააგრძელონ გზა ევროკავშირისკენ.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი