ნინო გვენეტაძე: "ნაციონალური მოძრაობა" ჩემი კანდიდატურის უარყოფას ეცდება, მაგრამ მე სხვა შანსებიც მაქვს

2015-02-18 11:25:49, 598 ნახვა

პოლიტიკა

უზენაესი სასამართლოს თავმჯდომარეობის კანდიდადი ნინო გვენეტაძე "ერთიანი ნაციონალური მოძრაობის" კრიტიკას ეხმაურება, რომლის თანახმადაც, ის საკუთარ საქმიანობაში ობიექტური ვერ იქნება.
გვენეტაძე ამბობს, რომ "ნაციონალური მოძრაობისგან" მსგავსი განცხადებების გაკეთების მოლოდინი ჰქონდა, თუმცა ამავდროულად, მზადყოფნას გამოთქვამს, მათ განუმარტოს საკითხები, რასთან დაკავშირებითაც პრეტენზიები გააჩნიათ.
"მოლოდინი მქონდა "ნაციონალური მოძრაობის" მხრიდან, რომ მათ არ ესიამოვნებოდათ ჩემი კანდიდატურა და ალბათ შეეცდებიან მათთვის მისაღები საფუძვლები მოძებნონ, რომლითაც ჩემი კანდიდატურის უარყოფას ეცდებიან, მაგრამ მე მაქვს სხვა შესაძლებლობები და სხვა შანსებიც, მე ასევ მზად ვარ, ავუხსნა "ნაციონალურ მოძრაობას" იმ კრიტერიუმთან დაკავშირებით ჩემი მოსაზრებები და დავიცვა ჩემი პროფესიული ღირსება",--განაცხადა ნინო გვენეტაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან