არსებული ინფორმაციით, სტამბოლში აფეთქების შედეგად დაშავებულებს შორის საქართველოს მოქალაქეები არ არიან, თუმცა, საკონსულოში ცხელი ხაზი ფუნქციონირებს და წარმომადგენლობა სპეციალურ შტაბთან ცნობებს საათში რამდენჯერმე ამოწმებს.

როგორც საქართველოს გენერალურმა კონსულმა სტამბოლში, ირაკლი ასაშვილმა აღნიშნა, მას საგანგებო შტაბთან აქვს მუდმივი კავშირი.

„ქალაქ სტამბოლში გახსნილი არის საგანგებო შტაბი, რომელთანაც გვაქვს მუდმივი კავშირი და ვიღებთ ინფორმაციას. საბედნიეროდ, საქართველოს მოქალაქეებთან დაკავშირებით ინფორმაცია ამ მომენტისთვის არა გვაქვს“, - განაცხადა ირაკლი ასაშვილმა.

აღსანიშნავია, რომ აფეთქება იმდენად ძლიერი იყო, რომ მისი ხმა ახლომდებარე ქუჩებზეც ისმოდა. ამ დროისთვის ქალაქში უსაფრთხოების ზომები გამკაცრებულია, პატრულირებს ავიაცია, მოსახლეობას შენობებში დარჩენისკენ მოუწოდებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აღდგომის დღეს მცხეთაში 53 წლის კაცი მოკლეს

კობახიძე მადიაროს გამარჯვებას ულოცავს, ორბანს მადლობას უხდის

უკრაინამ უნგრეთში მოგზაურობის შესახებ გაფრთხილება გააუქმა

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.