რუსეთის ინტელიგენციის კონგრესმა გაავრცელა მიმართვა, რომელშიც საზოგადოების წევრები ყაზახეთის მოვლენებში რუსეთის სამხედრო ჩარევას აპროტესტებენ.
ყაზახეთში რუსი ჯარისკაცების გაგზავნის წინააღმდეგ მიმართვის სრული ტექსტი რადიოსადგურ „ეხო მოსკოვის“ ვებგვერდზეა გამოქვეყნებული.

მიმართვას ხელს აწერს ათობით სამოქალაქო აქტივისტი, მწერალი, უფლებადამცველი, ჟურნალისტი, მეცნიერი, კულტურის მოღვაწე, რომლებიც რესპუბლიკაში რუსული ჯარების შემოსვლას დანაშაულს უწოდებდნენ.
გავრცელებულ მიმართვაში ნათქვამია, რომ რუსეთის უშიშროების წარმომადგენლების და ჯარის მონაწილეობა საპროტესტო აქციების ჩახშობაში აუცილებლად გააუარესებს ყაზახეთის რუსულენოვანი მოქალაქეების მდგომარეობას, რომლებიც პასუხისმგებელნი იქნებიან რუსეთის ხელმძღვანელობის იმპერიალისტურ პოლიტიკაზე.
განცხადებაში ხაზგასმულია, რომ რუსეთის პოლიტიკურმა რეჟიმმა მხარი დაუჭირა ძალიან კორუმპირებულ ავტორიტარულ რეჟიმს ყაზახეთში, რომლისგან თავის დაღწევის სურვილმა ათიათასობით ადამიანი გამოიყვანა ყაზახეთის ქალაქების ქუჩებში, ამიტომ რუსული ჯარები ვერ მოქმედებენ იქ, როგორც სამშვიდობოები.
ხელმომწერებს მიაჩნიათ, რომ ყაზახეთში რუსული სამხედრო ნაწილების გაგზავნა დანაშაულია რუსეთისა და ყაზახეთის ხალხების წინააღმდეგ.

ავტორი: ექსპრესნიუსი,

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება