საქართველოს პრემიერ-მინისტრის მოწვევით, თბილისს საუდის არაბეთის პრინცი,ალ ვალიდ ბინ ტალალ ბინ აბდულ აზიზ ალ საუდი ეწვია.

ეკონომიკის სამინისტროს ინფორმაციით, თბილისის საერთაშორისო აეროპორტში საპატიო სტუმარს საქართველოს ვიცე-პრემიერი გიორგი კვირიკაშვილი დახვდა.

 ვიზიტის ფარგლებში საუდის პრინცი ალ ვალიდ ბინ ტალალ ბინ აბდულ აზიზ ალ საუდი პრემიერ-მინისტრ ირაკლი ღარიბაშვილს შეხვდება. ასევე დაგეგმილია, რომ საპატიო სტუმარი საინვესტიციო ობიექტებს დაათვალიერებს.

 საქართველოს ვიცე-პრემიერის, გიორგი კვირიკაშვილის განცხადებით, საუდის პრინცი ალ-ვალიდი, რომელიც არის საუდის არაბეთის Kingdom Holding-ის მფლობელი, მსოფლიოში ერთ-ერთი ყველაზე მსხვილი ინვესტორი და არაბეთის სამყაროს ყველაზე შეძლებული ბიზნესმენია.

გიორგი კვირიკაშვილის  განცხადებით, ვიზიტი ძალიან მნიშვნელოვანია და მისი მსვლელობის დროს, ქართული მხარე გეგმავს საპატიო სტუმარს საქართველოს საინვესტიციო შესაძლებლობები გააცნოს.

როგორც ვიცე-პრემიერმა აღნიშნა, პრინც ალ-ვალიდის ჰოლდინგი რამდენიმე სფეროს მოიცავს, მათ შორისაა სასტუმროების ბიზნესი, კომუნიკაციები, სოფლის მეურნეობა, გართობის ინდუსტრია და ა.შ.

 ვიზიტის დასასრულს, მაღალი რანგის სტუმარს, საქართველოს პრემიერ-მინისტრი ირაკლი ღარიბაშვილი ოფიციალურ ვახშამზე უმასპინძლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო