ფინანსთა მინისტრის ნოდარ ხადურის განცხადებით, გასული წლის ბოლოს, ყველა საერთაშორისო ორგანიზაცია, ისევე როგორც საქართველოს მთავრობა ფიქრობდა, რომ  ეკონომიკური ზრდა ორჯერ მაღალი მაინც იქნებოდა, ვიდრე ის პროგნოზებია, რაც დღეს კეთდება.
„მაგრამ შემდგომ, მიმდინარე მოვლენებმა და ეს არ უკავშირდება მხოლოდ რუსეთს, თუმცა ძალიან დიდ წილად გამოწვეულია ამ პროცესებითაც, მათ შორის ნავთობის ფასების კლების გამო, ყველა საერთაშორისო ორგანიზაციამ მიიღო გადაწყვეტილება და გადახედა პროგნოზებს მთელი მსოფლიოს მიმართულებით. მიუხედავად იმისა რომ საერთაშორისო სავალუტო ფონდის პროგნოზით, ჩვენ გვექნება 2%-იანი ეკონომიკურო ზრდა, ის ყველაზე მაღალია მეზობლებში. EBRD-ის პროგნოზი 2.3%-ია და ისიც მეზობელ ქვეყნებში ყველაზე მაღალია, მაგრამ არ გვაძლევს ეს დამშვიდების შესაძლებლობას, ძალიან ბევრი სამუშაო გვაქვს იმისთვის, რომ გვქონდეს უფრო მაღალი ზრდა“, – აღნიშნა ხადურმა.
რაც შეეხება 2016 წლის 2.6%–იან პროგნოზს, ხადურის თქმით, ეს ყველაფერი „იმ ცვალებად გარემოზეა დამოკიდებული, რომელშიც ჩვენ ვცხოვრობთ“.
ამასთან, მინისტრმა ნავთობის გაიაფების შედეგად  იმ ეკონომიკურ აღმავლობაზეც გააკეთა განმარტება, რაც მოსალოდნელი იყო.  
„ნავთობზე მინდა დავაკონკრეტო, რომ ერთის მხრივ ნავთობის გაიაფებას უნდა გამოეწვია იაფი ნავთობი და ეკონომიკის აღმავლობა. მაგრამ, იმის გათვალისწინებით, რომ ჩვენი საექსპორტო ბაზრების დიდი წილი მოდის იმ ქვეყნებზე რომლებიც ნავთობის იმპორტიორები არიან, მაგალითად აზერბაიჯანი,  რუსეთი, ამ ქვეყნებში შემცირებულმა შემოსავლებმა გამოიწვია მათ შემცირებული ექსპორტი.  შესაბამისად, ნავთობის გაიაფებით ეკონომიკური ზრდის ის ეფექტი ვერ მივიღეთ, რაც უნდა მიგვეღო“, – განაცხადა ფინანსთა მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპას დაახლოებით ექვსი კვირის საავიაციო საწვავის მარაგი აქვს დარჩენილი

ლონდონის „არსენალისა“ და ავსტრიის ნაკრების ყოფილი მეკარე ალექს მენინგერი ავტოკატასტროფაში დაიღუპა

ტრამპმა ისრაელსა და ლიბანს შორის საომარი მოქმედებების 10-დღიანი შეჩერების შესახებ განაცხადა

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო