The Times of Israel ისრაელის ოფიციალურ პირებზე დაყრდნობით წერს, რომ დღეს ღამით ისრაელის არმიამ იერიშების ფარგლებში ირანის რეჟიმის უზენაესი საბჭოს მდივანი ალი ლარიჯანი მიზანში ამოიღო.

ოფიციალური პირების თანახმად, ჯერჯერობით უცნობია, დაიღუპა თუ დაიჭრა იერიშის შედეგად ალი ლარიჯანი.

ისრაელის თავდაცვის ძალების (IDF) გენშტაბის უფროსმა დღეს დილით თქვა, რომ ღამის განმავლობაში "ლიკვიდაციის მხრივ, მნიშვნელოვანი მიღწევები შეინიშნებოდა, რასაც აქვს პოტენციალი, გავლენა მოახდინოს კამპანიის მიღწევებსა და IDF-ის მისიაზე".

მედია წერს, რომ გენერალ-ლეიტენანტმა ეიალ ზამირმა ეს განცხადება ალი ლარიჯანზე იერიშთან დაკავშირებით გააკეთა.

The Times of Israel წერს, რომ ალი ლარიჯანი მოკლული აიათოლა ალი ხამენეის უახლოესი პირი იყო. ის ირანელი მაღალჩინოსანია, რომელიც 10 მარტს აშშ-ის პრეზიდენტ დონალდ ტრამპს სიკვდილით დაემუქრა.

მედია თავდაცვის წყაროებზე დაყრდნობით ასევე წერს, რომ ირანში განხორციელებულმა ბოლო საჰაერო დარტყმებმა მიზანში სხვა მაღალი რანგის წარმომადგენლებიც ამოიღო, მათ შორის ღაზის სექტორში მოქმედი ტერორისტული ორგანიზაციის, ისლამური ჯიჰადის ლიდერი, აკრამ ალ-აჯური.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია