კალასი - თუ საქართველოს მთავრობა გააგრძელებს ოპოზიციაზე, მედიაზე ზეწოლას, EU-ში მისთვის მომავალი არ არსებობს

2025-12-16 20:39:47, 19980 ნახვა

კომენტარი

თუ საქართველოს მთავრობა გააგრძელებს ოპოზიციაზე, მედიაზე ზეწოლას, EU-ში მისთვის მომავალი არ არსებობს - განაცხადა ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასმა.

"რაც შეეხება საქართველოს, მთავარი პრობლემა არის ის, რომ ერთი მხრივ, საქართველო აცხადებს, რომ სურს ევროკავშირში გაწევრიანება და ევროპული გზის არჩევა, მაგრამ ასევე ვხედავთ არასწორი მიმართულებით გადადგმულ ნაბიჯებს მთავრობის მხრიდან. ეს არის სიგნალი მთავრობისთვის, რომ თუ გააგრძელებენ ოპოზიციის ჩახშობას, თავისუფალ მედიაზე ზეწოლას და ყველა სხვა ქმედებას, რომელიც ევროკავშირის ღირებულებებს ეწინააღმდეგება, საქართველოსთვის ევროკავშირში მომავალი არ არსებობს." - განაცხადა კაია კალასმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,