კალაძე: ვაზაგაშვილების ოჯახის გაუბედურებაში მონაწილე თითოეული დამნაშავის დასჯა, სახელმწიფოს ღირსების საქმეა

2015-01-20 19:13:10, 783 ნახვა

პოლიტიკა

ვაზაგაშვილების ოჯახის გაუბედურებაში მონაწილე თითოეული დამნაშავის დასჯა, სახელმწიფოს ღირსების საქმეა,-ასე გამოეხმაურა ვიცე-პრემიერი კახი კალაძე იური ვაზაგაშვილის ტრაგიკულად დაღუპვის ფაქტს.
მისივე თქმით, აღელვებული საზოგადოება პასუხს ითხოვს და იური ვაზაგაშვილის გარდაცვალება სასწრაფოდ უნდა გამოიძიონ.
"შემძრა იური ვაზაგაშვილის დაღუპვამ… ეს საშინელი დანაშაული სასწრაფოდ უნდა იქნას გამოძიებული, საზოგადოება აღელვებულია და ითხოვს პასუხს. ძალიან მიჭირს ამ ტრაგედიის სიტყვებით გაზიარება, ვუსამძმრებ და ვუთანაგრძნობ…სამწუხაროდ, კარგად მესმის თითოეული მოკლული ოჯახის… ჩვენ ერთი ჯოჯოხეთი გამოვიარეთ…ყველა სამართლის და შვების ძიებაშია, მაგრამ უსუსურია საკუთარი ტკივილის წინაშე…ვაზაგაშვილების ოჯახის გაუბედურებაში მონაწილე თითოეული დამნაშავე უნდა იყოს გამოვლენილი და დასჯილი… ეს არის სახელმწიფოს ღირსების საქმე თორემ ოჯახების ტრაგედიას უკვე არაფერი შველის",-წერს კახი კალაძე "ფეისბუქის" გვერდზე.
ცნობისთვის, იური ვაზაგაშვილი რამდენიმე საათის წინ, შვილის, ზურაბ ვაზაგაშვილის, საფლავზე, არსებული ინფორმაციით, აფეთქდა. ის ადგილზე გარდაიცვალა. მომხდართან დაკავშირებით საქმე განზრახ მკვლელობის მუხლითაა აღძრული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან