„ვისოლ პეტროლიუმ ჯორჯია“ განაგრძობს ქსელის განვითარებას და ბათუმში, აბუსერიძის 24 ნომერში მდებარე ვისოლის ობიექტზე, გაზგასამართ სადგურს ამატებს.
ახალგახსნილი ობიექტი „ვისოლის“ უკვე მეორე გაზგასამართი სადგურია ბათუმში  და 2014 წელს ევროპის რეკონსტრუქციისა და განვითარების ბანკისგან (EBRD) მიღებული 65 მილიონი დოლარის სინდიცირებული სესხის ფარგლებში კომპანია გაზგასამართი სადგურების ყველაზე ფართო ქსელს განავითარებს საქართველოში.

„„მოხარულნი ვართ, რომ საშუალება გვაქვს ბათუმელ მომხმარებელს დამატებითი კომფორტი შევუქმნათ  და კიდევ ერთ სადგურზე ნავთობპროდუქტების ფართო არჩევანთან ერთად ალტერნატიული, ეკოლოგიურად უსაფრთხო და ეკონომიური საწვავი შევთავაზოთ. გაზგასამართი სადგურების ქსელის გაფართოება დასავლეთ საქართველოს ტერიტორიაზე „ვისოლის“ უახლოეს სამომავლო გეგმებში შედის. ბათუმში გახსნილი ახალი ობიექტი ერთ-ერთი პირველი ობიექტია, რომელიც EBRD-ის თანადგომით იხსნება. სინდიცირებული სესხი „ვისოლის“ ამბიციურ საინვესტიციო პროგრამას მოხმარდება, რომელიც მიზნად ისახავს თანამედროვე დანადგარებით აღჭურვილი კომპრესირებული ბუნებრივი აირის ყველაზე ფართო ქსელის შექმნას მთელი საქართველოს მასშტაბით“, - აცხადებს „ვისოლის“ გენერალური დირექტორი ვასილ ხორავა.
„ვისოლ პეტროლიუმ ჯორჯიას“ საქართველოს მასშტაბით უკვე 16 გაზგასამართი სადგური აქვს, აქედან 8 თბილისში, ხოლო 8 რეგიონებში. ვისოლის გაზგასამართი სადგურები აღჭურვილია უმაღლესი დონის, უახლესი ტექნოლოგიით, რაც მაღალკვალიფიციურ კადრებთან ერთად სრული უსაფრთხოებისა და მომსახურების მაღალი სტანდარტების გარანტიაა.
 
„ვისოლ პეტროლიუმ ჯორჯიას“ საკუთრებაში არსებული ავტოგასამართი სადგურების ყველაზე ფართო ქსელი აქვს საქართველოში და ნავთობპროდუქტების ყველაზე ფართო არჩევანს სთავაზობს მომხმარებელს. 2014 წლის თებერვლიდან „ვისოლის“ ქსელში ბერძნული „ეკოს“ საწვავპროდუქტების რეალიზაცია დაიწყო.  ვისოლი ინოვატორია საქართველოს ნავთობსექტორში და უმაღლესი ხარისხის საწვავისა და მაღალტექნოლოგიური სერვის პროდუქტების შეთავაზებით საცალო ბაზრის ლიდერია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი