2017-05-16 17:08:46, 789 ნახვა
სამხედრო
წვევამდელის მიერ სამხედრო სამსახურისთვის თავის არიდება შესაძლოა, ჯარიმით, ან თავისუფლების აღკვეთით დაისაჯოს
წვევამდელის მიერ სამხედრო სამსახურისთვის თავის არიდება, მათ შორის ავადმყოფობის სიმულაციით, სხეულის თვითდაზიანების, ყალბი დოკუმენტის გამოყენებით, ან სხვაგვარად მოტყუებით, შესაძლოა ჯარიმით, ან 3 წლამდე თავისუფლების აღკვეთით დაისაჯოს.
აღნიშნულს "საქართველოს სისხლის სამართლის კოდექსში" ცვლილებები ითვალისწინებს, რომლის ინიციატორიც პარლამენტის წევრი ირაკლი სესიაშვილია.
წარმოდგენილი ცვლილებით ხდება წვევამდელის მიერ სამხედრო სამსახურისთვის თავის არიდების დისპოზიციის დაზუსტება.
საკანონმდებლო ინიციატივის წესით წარმოდგენილი კანონპროექტი პარლამენტის ბიუროს დღევანდელ სხდომაზე დარეგისტრირდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
