9 მაისს აჭარის ავტონომიური რესპუბლიკის  მთავრობის თავმჯდომარე, ზურაბ პატარაძე, ფაშიზმზე გამარჯვების დღესთან დაკავშირებულ ღონისძიებას დაესწრო. 

ღონისძიებას აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე, ქალაქ ბათუმის მერი გიორგი ერმაკოვი და სხვა ოფიციალური პირები ესწრებოდნენ.

გმირთა ხეივანში შეკრებილმა მთავრობის წარმომადგენლებმა, მეორე მსოფლიო ომის ვეტერანებმა, ბათუმის საზღვაო აკადემიის კურსანტებმა და  მოქალაქეებმა დაღუპულთა ხსოვნას პატივი მიაგეს.

დღესვე, მომავალმა ზღვაოსნებმა აჭარის ავტონომიური რესპუბლიკის საკანონმდებლო და აღმასრულებელი, ასევე ქალაქის ხელმძღვანელობასთან ერთად ანატოლი კაჭარავას საფლავი ყვავილებით შეამკეს და პატივი მიაგეს მის ხსოვნას.

სახელმგანთქმული შორეული ნაოსნობის კაპიტანი, ანატოლი კაჭარავა, 9 მაისს იყო დაბადებული, იგი საბჭოთა კავშირის გმირის წოდებას ატარებდა.

ამჟამად ბათუმში მეორე მსოფლიო ომის 26 ვეტერანი და ომში დაღუპული 18 ოჯახი ცხოვრობს. ომში დაღუპულთა ოჯახის წევრები მერიისგან ერთჯერადი მატერიალური დახმარების სახით ფულად დახმარებას იღებენ.

თარიღთან დაკავშირებით აჭარის ყველა მუნიციპალიტეტში ღონისძიებებია დაგეგმილი. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი