ხელვაჩაურის მუნიციპალიტეტში, სოფელ ზედა განთიადში სამაშველო ოპერაცია დასრულდა.

აჭარის მთავრობის ადმინისტრაციის პრესსამსახურის ინფორმაციით, სახლის ნანგრევებში მოყოლილი 21 წლის მამაკაცი მაშველებმა გადაარჩინეს. იგი კონტაქტურია და ამ დროისთვის ბათუმის რეფერალურ საავადმყოფოში იმყოფება.

დაშავებულების მდგომარეობას პირადად გაეცნო აჭარის ა/რ ჯანდაცვის მინისტრის ზაალ მიქელაძე.

შეგახსენებთ, დიდთოვლობის შედეგად ხელვაჩაურის მუნიციპალიტეტში, სოფელ ზედა განთიადში თამაზ გორგაძის საცხოვრებელი სახლი დაინგრა.

5 სულიანი ოჯახის 1 წევრი ნგრევის შედეგად დაიღუპა, 4 კი, მაშველებმა გადაარჩინეს. გადარჩენილებს შორისაა ორსული ქალბატონი, რომელიც სასწრაფო დახმარების ბრიგადამ დედათა და ჩვილ ბავშვთა სახლში გადაიყვანა.  ექიმების მეთვალყურეობის ქვეშ იმყოფებიან ოჯახის სხვა წევრებიც.

შინაგან საქმეთა სამინისტროს განცხადებით მიმდინარეობს გამოძიება ნგრევის მიზეზების გამოსაკვლევად.

ამასთან, ხელვაჩაურის გამგებელი ნადიმ ვარშანიძე მოსახლეობას სიფრთხილისკენ მოუწოდებს და აცხადებს, რომ : „მუნიციპალიტეტში, თოვლის გამო სახლების ნგრევის უკვე მეორე შემთხვევა დაფიქსირდა ამ ორი დღის განმავლობაში, რის გამოც უკვე ორი ადამიანი გარდაიცვალა.    მე მინდა ვთხოვო მოსახლეობას გადმოთოვლონ საკუთარი საცხოვრებელი სახლები და მივეხმაროთ ერთმანეთს, რომ ავიცილოთ თავიდან მსგავსი შემთხვევები."

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი