აჭარის მთავრობის თავმჯდომარე ზურაბ პატარაძე ბათუმში დიდთოვლობის შედეგების და გზებზე არსებული მდგომარეობის გაცნობის მიზნით ე.წ. "ჭაობის" დასახლებას ესტუმრა.

აჭარის მთავრობის პრესსამსახურის ინფორმაციით, ზურაბ პატარაძემ პირადად დაათვალიერა გარეუბნებში გზების მდგომარეობა და მოსახლეობას შეხვდა.

მისი თქმით, დიდთოვლობის მიუხედავად საავტომობილო გადაადგილება არ შეჩერებულა, ყველა მთავარი გზა გაწმენდილია.

"ყველა მთავარი ქუჩა და მაგისტრალი გაწმენდილია. სამუშაოები მუდმივ რეჟიმში მიმდინარეობს. პირადად გავეცანი მდგომარეობას ქალაქის არა მხოლოდ ცენტრალურ ნაწილში, არამედ გარეუბნებშიც. ტექნიკა ვერ შევიდა მხოლოდ იმ ქუჩებზე, სადაც მერიის პროგრამით სარეაბილიტაციო სამუშაოები მიმდინარე პროცესშია. ბათუმის მერიის და მთავრობის შესაბამისი სამსახურები მობილიზებულია და სამუშაოები გრძელდება. მაქსიმალურად ვცდილობთ დიდთოვლობის გამო შემქნილი შეფერხებები დროულად აღმოიფხვრას" - განაცხადა აჭარის მთავრობის თავმჯდომარემ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი