ადამიანები, ვინც ასე იქცევიან არიან გადაგვარებული ქართველები, - დეკანოზი შალვა კეკელია საქართველოში ჩამოსული რუსი ტურისტების ქცევაში პრობლემას ვერ ხედავს და საზოგადოებაში გაჩენილ ნეგატიურ დამოკიდებულებაზე შეშფოთებას გამოთქვამს.  

როგორც მამა შალვამ ქადაგებისას განაცხადა, არასდროს ყოფილა, რომ ქართველი კაცი შეურაცხყოფას აყენებდეს ადამიანს, იმის გამო, რომ რუსია. 

"ადამიანებს ლანძღავენ ქუჩაში, ერთი ვიდეო დაიდო, რუსი ცოლ-ქმარი მიდიოდა ქუჩაში და წარმოიდგინეთ, მივიდნენ ვიღაცები და ლანძღავდნენ. ქართველი კაცი ასე არ იქცეოდა არასოდეს. ცოლთან ერთად, ქალთან ერთად კაცი მიდის, წარმოიდგინეთ და ქართველი კაცი მას შეურაცხყოფას აყენებს. ეგეთი რამე ჩვენს ერში არ ყოფილა, მსგავსი რამე არ ყოფილა. ეს ადამიანები, ვინც ასე იქცევიან არიან გადაგვარებული ქართველები",- ამბობს მამა შალვა. 

ცნობისთვის, მხოლოდ ივნისის თვეში, ყველაზე მეტი ვიზიტორი რუსეთიდან შემოვიდა. როგორც ტურიზმის ეროვნული ადმინისტრაციაში განმარტავენ, საუბარია 90 239 მოქალაქეზე. 

აღსანიშნავია, რომ შექმნილი დისკომფორტის ფონზე, შეიქმნა პეტიცია, რომელიც რუსეთისა და ბელორუსის მოქალაქეებისთვის 3 თვიანი სავიზო რეჟიმი ამოქმედებას ითხოვს, რასაც ხელი უკვე 10 000-ზე მეტმა ადამიანმა მოაწერა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო