რუსმა დამპყრობლებმა გაანადგურეს უკრაინის ავიაციის ფლაგმანი - ლეგენდარული An-225 "Mriya".
Ukrinform-ის ცნობით, ამის შესახებ Ukroboronprom ფეისბუქზე იტყობინება.

ეს მოხდა ანტონოვის აეროდრომზე, გოსტომელში, კიევის მახლობლად, სადაც თვითმფრინავი მდებარეობდა. მის აღდგენას 3 მილიარდ დოლარზე მეტი დაჯდება და დიდი დრო დასჭირდება.

უკრაინა ყველაფერს გააკეთებს იმისათვის, რომ აგრესორმა სახელმწიფომ გადაიხადოს ამ ბოროტებისთვის, იუწყება, Ukroboronprom-ი. 

მსოფლიოში ყველაზე დიდი თვითმფრინავი ანტონოვ ან-225 მრია (მრია – უკრაინულად ოცნებას ნიშნავს) შეიქმნა საბჭოთა კავშირში, კერძოდ უკრაინაში. პირველი ფრენა 1988 წლის 21 დეკემბერს განხორციელდა. სიდიდის გარდა, ის გვევლინება როგორც ყველაზე მძიმე ტვირთმზიდი თვითმფრინავი. ან-225 შეიქმნა რუსული წარმოების კოსმოსური ხომალდის, „ბურანის“ ტრანსპორტირებისათვის. 1988-1994 წლების მანძილზე თვითმფრინავმა 110 მსოფლიო რეკორდი მოხსნა. ხოლო მისი რეკონსტრუქციის, შემდეგ ეს რიცხვი 127-მდე გაიზარდა. ან-225 -ის სიგრძე 84 მეტრია, მისი სიმაღლე  კი 18,2 მეტრი. 88 ადგილია მგზავრებისათვის, ხოლო 6 ეკიპაჟისათვის. თვითმფრინავის სატვირთო კაბინაში შესაძლებელია მოთავსდეს 50 ავტომობილი. მისი წონა ტვირთის გარეშე 250 ტონაა, ხოლო მაქსიმალური დატვირთვით 600 ტონა. საჰაერო ხომალდის საშუალო სიჩქარე 700 კმ/სთ-ია, ხოლო მაქსიმალური – 850კმ/სთ. დღესდღეობით მხოლოდ ერთი ან-225 არსებობს და ის უკრაინულ ავიაკომპანიას და თავისივე მწარმოებელს Antonov Airlines-ს ეკუთვნის.სავარაუდოა, რომ ამ ტიპის თვითმფრინავი კიდევ აიგება მომავალში, თუმცა ეს, რა თქმა უნდა, ბაზრის მოთხვონებზეა დამოკიდებული.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი