ათასობით ადამიანი შეიკრიბა მადრიდის ცენტრში ლგბტ უფლებების უკეთესი დაცვის მოთხოვნით ჰომოფობიური თავდასხმების სერიის შემდეგ, რომელმაც შოკში ჩააგდო ესპანეთი.

შინაგან საქმეთა მინისტრის ფერნანდო გრანდე-მარლასკას განცხადებით, სიძულვილის ნიადაგზე ჩადენილი დანაშაულის რაოდენობა მზარდია და სულ უფრო ძალადობრივი ხდება.

აქციაზე გამოსული ხალხი ცისარტყელას დროშებს აფრიალებდა და ატარებდა ბანერებს წარწერით: "სამართლიანობა", "შეეხე ერთ ჩვენგანს, გვეხება ყველას", "ჩვენ გვხოცავენ, თქვენ დუმხართ".
”ჩვენ აქ ვართ, რომ გავაპროტესტოთ უწყვეტი ჰომოფობიური თავდასხმები და მუდმივი აგრესია, რომლებიც ხდება ყოველ დღე მადრიდის და ესპანეთის სხვა ქალაქების ქუჩებში,” - თქვა აქციის მონაწილე გაბრიელ ესკრიბანომ.
პარასკევს ესპანეთის პრემიერ-მინისტრმა პედრო სანჩესმა მთავრობის წევრების, თემთა ლიდერებისა და პოლიციის მონაწილეობით საგანგებო სხდომა გამართა, რომელზეც სიძულვილის ნიადაგზე ჩადენილი დანაშაულის შემცირების გზებზე იმსჯელეს.

როგორც სააგენტო „როიტერი“ ესპანეთის შინაგან საქმეთა სამინისტროს სტატისტიკაზე დაყრდნობით წერს, 2014 წლიდან ქვეყანაში სიძულვილის ნიადაგზე ჩადენილი დანაშაულის რიცხვი ყოველწლიურად დაახლოებით 9%-ით იზრდება.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს