2015-09-30 13:48:10, 824 ნახვა
სამართალი
მებაჟე ოფიცრებმა კანონდარღვევის ფაქტი გამოავლინეს
შემოსავლების სამსახურის საბაჟო დეპარტამენტის თანამშრომლებმა 27 სექტემბერს, საბაჟო გამშვებ პუნქტზე „ვალე“ დიდი რაოდენობით სხვადასხვა სახის საქონლის მალულად, კანონდარღვევით ქვეყნიდან გატანის ფაქტი გამოავლინეს. "მებაჟე ოფიცრებმა ეჭვის საფუძველზე დაათვალიერეს ავტობუსი, რომელსაც მართავდა საქართველოს მოქალაქე დ. ტ. დათვალიერებისას, მებაჟე ოფიცრებმა ავტობუსში მოწყობილ სპეციალურ სამალავში აღმოაჩინეს: მობილური ტელეფონის ელექტრონული სქემა - 5298 ცალი, მობილური ტელეფონი - 19770 ცალი და ფილტრიანი სიგარეტი - „WINSTON“ - 17000 კოლოფი",-ნათქვამია სსიპ შემოსავლების სამსახურის განცხადებაში.
საქმე შემდგომი რეაგირებისთვის ფინანსთა სამინისტროს საგამოძიებო სამსახურის საგამოძიებო დეპარტამენტს გადაეცა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
