საქართველოს პრემიერ-მინისტრმა ირაკლი ღარიბაშვილმა, საქართველოს მთავრობის წევრებმა, აჭარის ავტონომიური რესპუბლიკის თავმჯდომარემ არჩილ ხაბაძემ და „სოკარის“ პრეზიდენტმა როვგან აბდულაევმა ბათუმში საქართველოში აზერბაიჯანის რესპუბლიკის სახელმწიფო ნავთობკომპანიის წარმომადგენლობის ახალი ოფისი გახსნეს.

აჭარის მთავრობის პრესსამსახურის ინფორმაციით, ოთხსართულიანი შენობა, რომლის მშენებლობაც 2012 წლის ბოლოს დაიწყო განთავსებულია 1598 მ2 მიწის ფართობზე და აღჭურვილია თანამედროვე საოფისე ფართებით, ტექნიკური და შეხვედრების ოთახებით, სასტუმრო ნომრებითა და სხვადასხვა  დანიშნულების სივრცით.

ოფისს ასევე გააჩნია აუზი, ფიტნესი და სხვადასხვა გამაჯანსაღებელი სივრცეები. შენობა, რომელიც არქიტექტორმა რაუფ ხიდიროვმა დააპროექტა ნეოკლასიკური სტილითაა აგებული და მას კულტურული მემკვიდრეობის სტატუსი აქვს მინიჭებული.

ბათუმში აზერბაიჯანის  რესპუბლიკის სახელმწიფო ნავთობკომპანიის წარმომადგენლობის ახალი ოფისის გახსნა ორ სახელმწიფოს შორის ბიზნესთანამშრომლობისა და ბიზნესის გაფართოების კიდევ ერთი მაგალითია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი