აჭარის ა/რ მთავრობის თავმჯდომარემ, ზურაბ პატარაძემ, "აჭარის ავტონომიური რესპუბლიკის სტატუსის შესახებ" კონსტიტუციურ კანონზე ისაუბრა.

როგორც მან ბათუმში, კონსტიტუციური ცვლილებების საყოველთაო-სახალხო განხილვაზე აღნიშნა,  საკონსტიტუციო კომისიის წევრებმა კონსტიტუციურ კანონს ერთხმად დაუჭირეს მხარი, რაც წინ გადადგმული ნაბიჯია ქვეყნისა და რეგიონის განვითარებისთვის.

"ძალიან მნიშვნელოვანია, რომ დღეს ეს შეხვედრა იმართება ბათუმში, "აჭარის ავტონომიურ რესპუბლიკაში", კერძოდ, ბათუმის სახელმწიფო უნივერსიტეტში. საკონსტიტუციო ცვლილებების შესახებ  ჩვენმა მოსახლეობამ მიიღო ამომწურავი პასუხები. გაიმართა მსჯელობა სხვადასხვა საკითხებთან დაკავშირებით. მოგეხსენებათ, საკონსტიტუციო კომისიის წევრებმა "აჭარის ავტონომიური რესპუბლიკის სტატუსის შესახებ" კონსტიტუციურ კანონს, ერთხმად, მოწინააღმდეგის გარეშე დაუჭირეს მხარი, რაც ძალიან მნიშვნელოვანია ჩვენი რეგიონის ეფექტური მართვისთვის, აღმასრულებელი და საკანონმდებლო ხელისუფლების კოორდინირებული მუშაობისთვის. ეს არის წინგადადგმული ნაბიჯი, რომელიც ხელსშეუწყობს ჩვენი ქვეყნისა და რეგიონის განვითარებას", – განაცხადა ზურაბ პატარაძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ

მუდმივად განახლებადი მობაილბანკი - საუკეთესო ციფრული გამოცდილება თიბისისთან ერთად

რუსეთის საგარეო: საქართველოს EU-ში გაწევრიანებით „არამეგობრული ქვეყნების“ სიაში მოხვდება

ზურაბიშვილი აბასთუმანის ცის დახურვაზე - დიქტატურა საქართველოში რუსულ მოდელსაც კი აჭარბებს