ზუგდიდის მუნიციპალიტეტის უსახლკარო და მძიმე სოციალური პირობების მქონე პირთა საცხოვრებელი ფართით უზრუნველყოფის კომისიამ დღეს გამართულ სხდომაზე სატენდერო დოკუმენტაციისა და წინადადებების შედგენაზე იმსჯელა.

როგორც სხდომაზე მუნიციპალიტეტის გამგებელმა და კომისიის თავმჯდომარემ ედიშერ თოლორაიამ განაცხადა, ტენდერში მონაწილე თითოეული სამშენებლო კომპანიის გამოცდილება უნდა იქნეს შესწავლილი. მშენებლობა სერთიფიცირებული მასალით (ქვის მასალა, ჭერი, იატაკი, წყლის გამათბობელი ) უნდა განხორციელდეს.

„ეს არის ჩენი მოღვაწეობის ისტორიაში ყველაზე საპასუხისმგებლო პროექტი, რომლის განხორციელების შემდეგ 16 სოციალურად მძიმე საყოფაცხოვრებო პირობების მქონე ოჯახი მიიღებს კომფორტულ საცხოვრებელ სახლს. ჩვენ ყოველდღიურ რეჟიმში დავაკვირდებით მშენებლობის პროცესს და საჭიროების შემთხვევაში ვიქნებით რიგითი მუშებიც“, – განაცხადა ედიშერ თოლორაიამ.

საცხოვრებელი სახლების მშენობლობაზე ტენდერი მიმდინარე წლის 27 ივლისს გამოცხადდება. დაინტერესებულ კომპანიებს 20 დღის განმავლობაში შეეძლებათ ტენდერში მონაწილეობის მიღება. ვადის ამოწურვის შემდეგ გამოვლინდება სამშენელო კომპანია, რომელსაც ექნება 49 სამუშაო დღე საცხოვრებელი სახლების ასაშენებლად.

მიმდინარე წლის ნოემბერში მუნიციპალიტეტში 16 მუნიციპალური (2 ერთოთახიანი და 14 სამოთახიანი) სახლი აშენდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს