საქართველოს თავდაცვის სამინისტროს შემეცნებით-საგანმანათლებლო ცენტრში დაჭრილ სამხედრო მოსამსახურეებთან შეხვედრა გაიმართა.

თავდაცვის მინისტრი მინდია ჯანელიძე საომარ მოქმედებებსა და სამშვიდობო მისიებში მონაწილეობის დროს დაჭრილ და დაშავებულ სამხედრო მოსამსახურეებს შეხვდა.

გაცნობითი ხასიათის შეხვედრაზე მინისტრი მათი სოციალური პირობებითა და ჯანმრთელობის მდგომარეობით დაინტერესდა. 

მინდია ჯანელიძემ ხაზგასმით აღნიშნა, რომ თავდაცვის უწყებისათვის დაშავებული სამხედრო მოსამსახურეების მხარდაჭერა პრიორიტეტულია. 

თავდაცვის სამინისტროს ინფორმაციით, შეხვედრაზე საუბარი დაჭრილი სამხედრო მოსამსახურეების რეაბილიტაციისა და საზოგადოებაში მათი ინტეგრაციის საკითხებს შეეხო. 

ჯანელიძემ ყურადღება დაჭრილი ჯარისკაცების საქართველოს შეიარაღებულ ძალებში დასაქმებისა და მათი გამოცდილების გაზიარების  მნიშვნელობაზეც გაამახვილა. თავდაცვის უწყების ხელმძღვანელმა ყურადღება დაშავებული სამხედრო მოსამსახურეებისთვის შესაბამისი სამუშაო გარემოს, საკომუნიკაციო საშუალებების მაქსიმალურად ადაპტირებისა და უზრუნველყოფის საკითხებს დაუთმო. მინდია ჯანელიძემ სამხედრო მოსამსახურეებს ადაპტირებული ინფრასტრუქტურული პროექტებიც გააცნო.
მოგვიანებით, შეხვედრა კითხვა-პასუხის რეჟიმში გაგრძელდა. სამხედრო მოსამსახურეებმა პასუხები მათთვის საინტერესო კითხვებზეც მიიღეს. თავდაცვის მინისტრმა დაშავებულ სამხედრო მოსამსახურეებსა და დაღუპული მეომრების ოჯახების წევრებთან მუდმივი კომუნიკაციისა და მათი გამოცდილების გაზიარების მნიშვნელობა კიდევ ერთხელ აღნიშნა.

შეხვედრას თავდაცვის მინისტრის მოადგილეები, გოჩა რატიანი და  კახა ოქროჯანაშვილი, გენერალური შტაბის უფროსის მოადგილე, პოლკოვნიკი რომან ჯოხაძე და სამედიცინო დეპარტამენტის უფროსი, პოლკოვნიკი მედეა ბეთაშვილი დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული