ორგანიზაცია „ახალგაზრდა ადვოკატები“ და სხვა არასამთავრობო ორგანიზაციები, ხვალ კონსტანტინე კუბლაშვილის მიერ ქართული სასამართლო სისტემის 10 წლიანი მმართველობის დასასრულთან დაკავშირებით, საქართველოს უზენაესს სასამართლოსთან, საპროტესტო აქციას გამართავს. ორგანიზაციაში აცხადებენ, რომ პროფესიულ საზოგადოებას და ნებისმიერ მოქალაქეს, რომელსაც უშუალოდ შეხება გააჩნდა სასამართლოს დამოუკიდებლობის შეფასების საკითხთან, შეუძლებელია პროტესტის გარეშე დატოვოს ეპოქა, როდესაც კონსტანტინე კუბლაშვილი სასამართლოს ერთპარტიული დემოკრატიით მართავდა. 

„ახალგაზრდა ადვოკატებმა“ უკვე მიმართეს სამოქალაქო სექტორის წარმომადგენლებს და 23 თებერვლის აქციაში მონაწილეობა შესთავაზეს.

 „ჩვენ მივმართავთ ყველა არასამთავრობო ორგანიზაციას, სამოქალაქო ჯგუფს, მოქალაქეებს, რომლებიც „ახალგაზრდა ადვოკატების“ მსგავსად ფიქრობენ, 2015 წლის 23 თებერვლის უკიდურესად მშვიდობიან აქციაში თანამონაწილეობით, საკუთარი პოზიცია გამოხატონ, რათა საზოგადოებამ მომავალში აღარ დაუშვას ის დუმილი, რომელიც სასამართლო ხელისუფლების დაქვემდებარების დროს, შემგუებლურ ხასიათს ატარებდა“ - მიიჩნევენ ორგანიზაციაში. 

„ახალგაზრდა ადვოკატები“ და სხვა არასამთავრობოები, 2015 წლის 23 თებერვალს, სპეციალურ მიმართვასაც გაავრცელებენ, სადაც ხელმოწერა ყველა მსურველ ორგანიზაციას შეეძლება. 
"პროტესტი იქნება მშვიდობიანი ფორმით და არ იგეგმება გზის გადაკეტვა ან/და რაიმე ფორმით ავტოსატრანსპორტო საშუალებების გადაადგილების შეზღუდვა. მდუმარე აქცია 12:00 საათზე დაიწყება",-განმარტავენ ორგანიზაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის