გაუგებარია რას უკრავთ ტაშს საკუთარ გაღარიბებას? ‘’რუსეთი/ოლიგარქი გვაღარიბებს, რადგან ღარიბების მართვა უფრო მარტივია” ლოგიკის ხალხს, რომლებსაც ეს გადაწყვეტილება მოგეწონათ, განსაკუთრებით გილოცავთ. ეს წუთია კრემლმა/ოლიგარქმა გაგაღარიბათ და თქვენ ტაშს უკრავთ. - წერს სოციალურ ქსელში კოალიცია ცვლილებისთვის ლიდერი ზურაბ გირჩი ჯაფარიძე.

ჯაფარიძე გამოეხმაურა, მუდმივი ბინადრობის არმქონე უცხო ქვეყნის მოქალაქეებს კურიერებად, ტაქსის მძღოლებად და გიდებად მუშაობის აკრძალვას.

"ტაში გაღარიბებისთვის უცხოელებისთვის ტაქსის და საკურიერო მომსახურების აკრძალვაზე შემხვდა აპლოდისმენტები აქეთა ფლანგიდან და 2 სიტყვას ვიტყვი, მიუხედავად იმისა რომ დიდი ხანია აზრს ვეღარ ვხედავ ყოველი ახალი იდიოტური რეგულაციის კომენტირებაში

რატომ არიან დასაქმებული ამ ორ ბაზარზე (შეიძლება სხვაგანაც) უცხოელები?

ან ამ ბაზრებზე ზოგადად დასაქმების მსურველი საქართველოს მოქალაქეების ნაკლებობაა ან საქართველოს მოქალაქეები არ თანხმდებიან იმ ანაზღაურებას რომელიც ამ ბაზრებზე არსებობს (მეტი უნდათ)

რა მოჰყვება ამ აკრძალვას?

ან ამ ბაზრებზე შეიქმნება სამუშაო ძალის დეფიციტი ან დამსაქმებლებს მოუწევთ დასაქმებულებისთვის მეტის გადახდა ან რაღაც საშუალო მოიძებნება ამ ორს შორის

რა იქნება შედეგი?

იქნება ნაკლები ტაქსი და ნაკლები კურიერი და/ან გაძვირდება ეს სერვისები

ანუ, როდესაც ტაქსის გამოიძახებთ და/ან რამეს შეუკვეთავთ ვოლტზე თუ გლოვოზე, მოგიწევთ უფრო მეტის გადახდა

როდესაც რაღაც სერვისში მოგიწევს მეტის გადახდა ან ამ სერვისით ვეღარ სარგებლობ ფასის ზრდის გამო, ამას ჰქვია - გაღარიბება

გაღარიბება ნაკლები შემოსავალი არ არის

გაღარიბებაა როდესაც იმაზე ნაკლების ყიდვის შესაძლებლობა გაქვს, ვიდრე აქამდე გქონდა ეს მოხდება ზუსტად გაღარიბდებით ნაკლები ფული დაგრჩებათ სხვა რაღაცებში დასახარჯად ან დანაზოგის გასაკეთებლად

იგივე მოხდება ნებისმიერ სხვა სფეროსთან მიმართებაში, სადაც აქამდე უცხოელები იყვნენ დასაქმებული და ახლა აღარ იქნებიან

ცხადია საქართველოს მოქალაქე კურიერებს თუ ტაქსისტებს ეს გადაწყვეტილება მოეწონებათ - მათ წარმოდგენაში კონკურენტებს აცილებს სახელმწიფო, შესაბამისად მათ მეტი მოგება დარჩებათ

მაგრამ თქვენ, ჯამში საქართველოს მოქალაქეები გაღარიბდებით ამ გადაწყვეტილებით

და არანაირი მნიშვნელობა არ აქვს რომელი ქვეყნის მოქალაქეებზეა საუბარი

თუ კრიმინალი ან ტერორისტი არაა, ცხადია

თუ კრიმინალი ან ტერორისტია - მაშინ საერთოდ არაა ქვეყანაში შემოსაშვები

ამიტომ, გაუგებარია რას უკრავთ ტაშს საკუთარ გაღარიბებას?

‘’რუსეთი/ოლიგარქი გვაღარიბებს, რადგან ღარიბების მართვა უფრო მარტივია” ლოგიკის ხალხს, რომლებსაც ეს გადაწყვეტილება მოგეწონათ, განსაკუთრებით გილოცავთ. ეს წუთია კრემლმა/ოლიგარქმა გაგაღარიბათ და თქვენ ტაშს უკრავთ.

პ.ს. ასობით ათასი საქართველოს მოქალაქე მუშაობს უცხოეთში, ჩვენზე მდიდარ ქვეყნებში. უდიდესი უმრავლესობა - არალეგალურად. ოდესმე გიფიქრიათ რატომ უწევთ მათ არალეგალურად მუშაობა, შედარებით პრიმიტიულ და დაბალანაზღაურებად სამუშაოზე, დღეში 10-12-14 საათი? სწორი და მოსაწონია ასეთ მდგომარეობაში რომ არიან? თუ ჩვენდამი ასეთი დამოკიდებულება არ მოსულა, მაგრამ ჩვენი მხრიდან სხვებისადმი ასეთი დამოკიდებულება ოქეია?"  - წერს ზურაბ გირჩი ჯაფარიძე.

ქართულმა ოცნებამ მუდმივი ბინადრობის არმქონე უცხო ქვეყნის მოქალაქეებს კურიერებად, ტაქსის მძღოლებად და გიდებად მუშაობა აუკრძალა. კობახიძის ხელმოწერილი დადგენილებით, აღნიშნულ საქმიანობებზე ნულოვანი კვოტა დაწესდა.

 დადგენილების თანახმად, საქართველოში მუდმივი ბინადრობის ნებართვის არმქონე ნებისმიერ უცხოელს, რომელსაც სურს იმუშაოს კურიერად, ტაქსის მძღოლად ან სხვა ტიპის მომსახურების სფეროში, ესაჭიროება ჰქონდეს "შრომით საქმიანობის უფლება". ამ უფლების გაცემაზე პასუხისმგებელი კი დასაქმების ხელშეწყობის სახელმწიფო სააგენტოა.

ავტორი: ექსპრესნიუსი,

სოციალური ქსელები

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ

ყველაზე მასშტაბური გუნდური ოლიმპიადა საქართველოში - როგორია საქართველოს ბანკის და კომაროვის STEM ოლიმპიადა