N5 პენიტენციურ დაწესებულებაში სილამაზის სალონი გაიხსნა.

სასჯელაღსრულებისა და პრობაციის სამინისტროს ინფორმაციით, სადალაქოების  ფუნქციონირება, ასევე, დაიწყო  N15 და N12 დაწესებულებებში, სადაც ის  მსჯავრდებულები დასაქმდნენ, რომლებმაც სტილისტობის შემსწავლელი კურსები წარმატებით გაიარეს. გარდა იმისა, რომ მათ კონკრეტული ხელობისთვის საჭირო უნარ-ჩვევები გამოიმუშავეს, ისინი  შესაბამის  ანაზღაურებასაც იღებენ.

N5,  N12  და N15 პენიტენციურ დაწესებულებებში   სტილისტის პროფესიის დამადასტურებელი სერტიფიკატი უკვე 33 მსჯავრდებულს გადაეცა.

„სასჯელაღსრულებისა და პრობაციის სამინისტრო დიდ ყურადღებას უთმობს მსჯავრდებულთა რეაბილიტაცია-რესოციალიზაციას და განსაკუთრებით, მსჯავრდებულთა  დასაქმების კომპონენტს, როგორც დანაშაულის პრევენციის ერთ-ერთ ეფექტურ  მიმართულებას“, – ნათქვამია სამინისტროს განცხადებაში.

როგორც უწყებაში აცხადებენ, პენიტენციურ  და თავისუფლების შეზღუდვის დაწესებულებებში უკვე ფუნქციონირებს სამკერვალო და მაკარონის საწარმოები. უახლოეს მომავალში პურის  საცხობისა და ფეხსაცმლის სამკერვალოს გახსნა იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო