საპატრიარქო იუნესკოს საქართველოს მიერ არაკონტროლირებად ტერიტორიებზე არსებული ეკლესია–მონასტრების ზედამხედველობისკენ მოუწოდებს.

აღნიშნული საკითხის შესახებ განცხადება გორისა და ატენის მიტროპოლიტმა ანდრეა გვაზავამ საპატრიარქოში დღეს გამართულ პრესკონფერენციაზე გააკეთა.

მიტროპოლიტის თქმით, სამაჩაბლოს ტერიტორიაზე არსებული ქირის მე–15 საუკუნის ფრესკები ნაწილობრივ დაზიანდა და ცხინვალის ღვთისმშობლის ეკლესიად გადაკეთდა.

„რაც შეეხება სამაჩაბლოს ტერიტორიაზე ჩვენს ეკლესია–მონასტრებს, სამწუხაროდ, როგორც ცნობილია, ქირის მე–15 საუკუნის ფრესკები ნაწილობრივ დაზიანდა, გადაკეთდა ცხვინვალის ღვთისმშობლის ეკლესიად. ისტორიული ღირებულების მქონე ძეგლებისადმი ასეთი დამოკიდებულება ნებისმიერი საზოგადოებისთვის სირცხვილია. რამდენადაც ჩვენ ვიცით, აღნიშნულმა ფაქტებმა ცხინვალის ინტელიგენციის უარყოფითი დამოკიდებულება გამოიწვია, რაც გვაძლევს იმედს, რომ საშიშროება, რომელიც სავარაუდოდ, ემუქრებოდა სხვა ქართულ ტაძრებსაც – იკორთას, არმაზს, ყაჩაეთს, გომართას... რეალობად არ იქცევა. ჩვენ ვთხოვთ იუნესკოს საერთაშორისო ორგანიზაციას დაგვეხმარონ, რათა ჩვენს მიერ არაკონტროლირებად ტერიტორიებზე არსებულ ეკლესია–მონასტრებზე გასწიონ ზედამხედველობა, რომ მსგავსი ქმედებები აღიკვეთოს“, – განაცხადა მიტროპოლიტმა ანდრეა გვაზავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო