საქართველოს იუსტიციის სამინისტროს სსიპ „დანაშაულის პრევენციის ცენტრის“ დირექტორი ჯონი კვინიკაძე და „ბავშვთა და ახალგაზრდობის ეროვნულ ცენტრის“ დირექტორის მოადგილე ნინო ვადაჭკორია “CYNC კვირეულს“ დაესწრნენ.

„ბავშვთა და ახალგაზრდობის ეროვნულ ცენტრში“ მიმდინარე კვირეულის ფარგლებში 13-14 წლის ასაკის მოზარდები  სხვადასხვა სახის გასართობ-შემეცნებით ღონისძიებებში მონაწილეობენ. აქტივობებში თანატოლებთან ერთად დანაშაულის პრევენციის ცენტრის 20 ბენეფიციარიც მონაწილეობს. 

კვირეულის მიზანია აქტიური მოქალაქეობისა და არაფორმალური განათლების პოპულარიზაცია.

„ბავშვთა და ახალგაზრდობის ეროვნული ცენტრის“ დირექტორის მოადგილემ ნინო ვადაჭკორიამ სტუმარს კვირეულის პროგრამა და მიზნები გააცნო,  ახალგაზრდებს წარმატება უსურვა. იუსტიციის სამინისტროს დანაშაულის პრევენციის ცენტრის დირექტორმა ჯონი კვინიკაძემ კვირეულის ორგანიზატორებს მადლობა გადაუხადა და სამომავლო თანამშრომლობის გეგმებზეც ისაუბრა.

კვირეულის აქტივობები ეძღვნება ისეთ საკითხებს, როგორიცაა სამოქალაქო განათლების მნიშვნელობა, სოციალური/პიროვნული უნარები, ბავშვის უფლებები, მოხალისეობა, ეკოლოგია, ჯანსაღი ცხოვრების წესი და სხვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად