„ვეფხვმა, რომ პიროვნება დაგლიჯა, სტიქიის გაგრძელებას მივაწერდი და არავის ბრალეულობა არ არის“, – ამის შესახებ ყოფილმა პრემიერ–მინისტრმა ბიძინა ივანიშვილმა ლაგუნა ვერეს მიმდებარედ გუშინ მომხდარ ტრაგედიასთან დაკავშირებით განაცხადა.

როგორც მან ჟურნალისტებთან საუბარში აღნიშნა, სოციალურ ქსელში  საუბარი იმის შესახებ, რომ ვეფხვი შენობაში „ნაციონალური მოძრაობის“ წევრებმა  ჩაკეტეს, რათა ეს ტრაგედია მომხდარიყო, აბსურდია.

ივანიშვილის ვარაუდით, ამ ინფორმაციას თავად „ნაციონალური მოძრაობა“  ავრცელებს. 

„ვეფხვმა, რომ პიროვნება დაგლიჯა, მე სტიქიის გაგრძელებას მივაწერდი და არავის ბრალეულობა არ არის. ის განცხადებები, რაც გაკეთდა, დირექტორსაც, რომ აღარ ეგონა, ვეფხვი ცოცხალი იყო, ესეც შეიძლება სტიქიას მივაწეროთ და არა ვინმეს დავაბრალოთ. „ნაციონალებს“ ამით ნუ გავაპრავებთ. ვეფხვს „ ნაციოანლებს“ არავინ აბრალებს, გარდა თავად „ნაციონალებისა“. ისევ ისინი წერენ. ჩვენ მათი ხელწერა ვიცით. „ფეისბუქში“ ახერხებენ და წერენ, რომ ვითომ, „ნაციონალებმა“ მიიყვანეს იქ და ჩაკეტეს. ასეთი აბსურდი, ვფიქრობ, ისევ მათი ხელწერაა“, – აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში 30 წლის ქალის გაუპატიურების ბრალდებით, 38 წლის კაცი დააკავეს

ქვემო ქართლის პოლიციამ ნარკოდანაშაულის ბრალდებით სამი პირი დააკავა

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა