სსიპ - საქართველოს შინაგან საქმეთა სამინისტროს მომსახურების სააგენტოს სპორტული კლუბის MIA FORCE-ის მრბოლელი დათა ქაჯაია ევროპის ჩემპიონატზე იასპარეზებს. 

შსს-ს ინფორმაციით, ქართული ავტოსპორტის ისტორიაში ეს პირველი შემთხვევაა როდესაც ძარიან ავტომობილებში ევროპის ჩემპიონატზე (ETCC) ქართველი სპორტსმენი მიიღებს მონაწილეობას.

ევროპის ჩემპიონატი 6  ეტაპად ჩატარდება. ტურნირს უნგრეთის, სლოვაკეთის, საფრანგეთის, ჩეხეთის, ბელგიისა და იტალიის ავტოდრომები უმასპინძლებენ.

ჩემპიონატის ფარგლებში კლუბი MIA FORCE პარტნიორი ცნობილი გერმანული გუნდი Engstler Motorsport-ია, რომლის  ეკიპაჟი სრულ მზადყოფნაშია ქართველი სპორტსმენისთვის სათანადო მომსახურების უზრუნველსაყოფად.

2012, 2013 და 2014 წლებში დათა ქაჯაია შსს-ს სპორტული კლუბის სახელით ასპარეზობდა საერთაშორისო საავტომობილო ფედერაციის (FIA) ეგიდით გამართულ LEGEND SUPER CUP- ის სახელწოდებით ცნობილ ჩემპიონატზე, რომელშიც ევროპის ჩემპიონის ტიტული ზედიზედ სამჯერ მოიპოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოთისა და ხობის მიტროპოლიტის სააღდგომო გზავნილი

პატრიარქის მოსაყდრის, მიტროპოლიტ შიო მუჯირის სააღდგომო ეპისტოლე - სრულად

რომელ ქუჩებზე დაწესდება შეზღუდვები თბილისში 12-13 აპრილს - თბილისის მერია

CBS News: აშშ გაყინული ირანული აქტივების განბლოკვას არ დათანხმებულა