განათლებისა და მეცნიერების მინისტრი ალექსანდრე ჯეჯელავა თბილისში დაგეგმილ ნატო-ს საპარლამენტო ასამბლეის სხდომას გამოეხმაურა.

მისი შეფასებით, ასეთი მაღალი რანგის ღონისძიების საქართველოში ჩატარება ძალიან პოზიტიურია. ამასთან, მინისტრი ამბობს, რომ საქართველოსა და NATO-ს ურთიერთობა ასეთ მაღალ დონეზე არასდროს ყოფილა:

"ხაზი მინდა გავუსვა, რომ მიუხედავად იმისა, როდის, ან რა თანმიმდევრობით გავწევრიანდებით მასში, თვითონ პროცესია ძალიან სასარგებლო. თუნდაც ის წვრთნა და აღჭურვა, გამოცდილების გაზიარება, ეს ყველაფერი, პირველ რიგში, ჩვენ გვაძლიერებს. თუ ეს NATO-ს სტანდარტებთან დაგვაახლოვებს და გაადვილებს მომავალში გაწევრიანებას, რა თქმა უნდა, ძალიან სასიხარულოა. ასეთი რანგის ღონისძიების ჩატარება ჩვენთან თავისთავად ძალიან პოზიტიურია",- განაცხადა ჯეჯელავამ.

ნატო-ს საპარლამეტო ასამბლეის 2017 წლის საგაზაფხულო სესია საქართველოში 26-29 მაისს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება