„დავდებთ იმ შედეგს, რომელიც მისაღები იქნება ჩვენი ქვეყნისთვის და მუსლიმი მრევლისთვის“,-ამის შესახებ აჭარის მთავრობის თავმჯდომარემ ზურაბ პატარაძემ ბათუმში, ახალი მეჩეთის მშენებლობასთან დაკავშირებით განაცხადა.  

„არანაირი გასაიდუმლოებული შეხვედრა არ გამართულა. ეს არის ჩვეულებრივ მუშა პროექტი. კარგი დიალოგი გვაქვს სამუფთოსთან, არასამთავრობო სექტორთან, ასევე რელიგიის სააგენტოსთან, რომლებთან ერთადაც ვმსჯელობთ. სულ ახლახან, ტარიელ ნაკაიძეს შევხვდი. ვფიქრობ, რომ ძალიან მალე გამოსავალს ვნახავთ. ჩვენ დავდებთ იმ შედეგს, რომელიც მისაღები იქნება ჩვენი ქვეყნისთვის და მუსლიმი მრევლისთვის“-განაცხადა ზურაბ პატარაძემ.

ცნობისთვის, გავრცელდა ინფორმაცია, რომ ბათუმის მერიის უარის შემდეგ,  პატარაძე  სამუფთოს წარმომადგენლებს და "ქართველ მუსლიმთა კავშირის" თავმჯდომარე ტარიელ ნაკაიძეს შეხვდა.

ბათუმის მერიის გადაწყვეტილებას ახალი მეჩეთის მშენებლობის საინიციატივო ჯგუფი სასამართლოში გაასაჩივრებს.

ბათუმის მერიამ მეჩეთის მშენებლობაზე უარი თქვა. გიორგი ერმაკოვის ბრძანება 2017 წლის 5 მაისითაა დათარიღებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი