შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განცხადებით, ბოლო პერიოდში საქართველო საერთაშორისო დღის წესრიგის  მნიშვნელოვანია ნაწილია.

მისივე თქმით, საქართველოს ტერიტორიული მთლიანობისა და სუვერენიტეტის მიმართ  პარტნიორების მხარდაჭერა ძალიან მტკიცეა.

"ბოლო პერიოდში ძალიან ბევრი და მძლავრი გზავნილი გავრცელდა ჩვენი პარტნიორების მხრიდან, რაც კიდევ ერთხელ ადასტურებს, რომ საქართველო საერთაშორისო დღის წესრიგის ძალიან მნიშვნელოვანი ნაწილია. ძალიან მტკიცეა საქართველოს ტერიტორიული მთლიანობისა და სუვერენიტეტის მიმართ ჩვენი პარტნიორების მხარდაჭერა. ბოლო დღეებში აშშ-ის კონგრესმენების წერილი, წარმომადგენლობით პალატის პროექტი, ასევე ევროსაბჭოს მინისტრთა მოადგილეების კომიტეტის გადაწყვეტილება, ეს ყველაფერი ერთად ქმნის ძალიან ძლიერი მხარდაჭერის ობიექტურ სურათს. რაც შეეხება წარმომადგენელთა პალატის პროექტს, ეს მართლაც უპრეცედენტოა. ბიუჯეტის შესახებ კანონში ფაქტობრივად, ჩნდება ჩანაწერი საქართველოს შესახებ, რაც ცალსახად ადასტურებს იმას, რომ აშშ-ს არ სურს რაიმე ფორმით წაახალისოს რუსეთის აგრესიული პოლიტიკა. ეს არის ძალიან ქმედითი მხარდაჭერა საქართველოს ტერიტორიული მთლიანობის თვალსაზრისით",- განმარტა  ციხელაშვილმა მთავრობის სხდომის დასრულების შემდეგ ჟურნალისტებთან საუბრისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო