საქართველოს პრემიერ-მინისტრის გიორგი კვირიკაშვილის განცხადებით, დღევანდელი დღე არის ევროკავშირის მხრიდან საქართველოს მიმართ უდიდესი ნდობის გამოხატულება.

ამის შესახებ პრემიერმა ბრიუსელში, საქართველოს მოქალაქეებისთვის უვიზო მიმოსვლის შემოღებასთან დაკავშირებული რეგულაციის ხელმოწერის დასრულების შემდეგ ჟურნალისტებს განაცხადა.

როგორც კვირიკაშვილმა აღნიშნა, გადაწყვეტილება ევროკავშირის პოლიტიკური მხარდაჭერის გამოხატულებაა. 

პრემიერის განმარტებით, ამით საქართველოს მოქალაქეებისთვის ევროკავშირის კარი გაიღო. 

გიორგი კვირიკაშვილმა საქართველოს მოქალაქეებს უვიზო რეჟიმის ამოქმედებასთან დაკავშირებული რეგულაციის ხელმოწერა მოულოცა და ევროპელ მეგობრებს მადლობა გადაუხადა.

ცნობისთვის, საქართველოს მოქალაქეებისთვის უვიზო მიმოსვლის რეჟიმი ოფიციალურად გაფორმდა. 

"რადიო თავისუფლების" ბრიუსელის კორესპონდენტის რიკარდ იოზვაკის ინფორმაციით, საქართველოს მოქალაქეები ევროპაში უვიზოდ მოგზაურობას 28 მარტიდან შეძლებენ. 

შეგახსენებთ, რომ ევროპარლამენტმა საქართველოსთვის ვიზალიბერალიზაციას 2 თებერვალს ხმათა უმრავლესობით მხარი დაუჭირა. ევროპული პარლამენტის 553 დეპუტატმა უვიზო მიმოსვლას მხარი დაუჭირა, 66 კი წინააღმდეგი იყო. საბოლოო ცვლილება რეგულაციაში, რომელიც საქართველოს მოქალაქეებისთვის ევროკავშირის წევრ ქვეყნებში უვიზო მიმოსვლის შემოღებას ითვალისწინებს, ევროსაბჭომ 27 თებერვალს დაამტკიცა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ომბუდსმენმა ამაღლობელისა და მომიტინგეების საკითხი ევროპის საბჭოს კომისართან განიხილა

უკრაინა და გერმანია 4 მილიარდი ევროს ოდენობის სამხედრო თანამშრომლობის პაკეტზე შეთანხმდნენ

კრემლმა გადაწყვიტა, პუტინის რეიტინგის შემცირების გამო Telegram-ზე ბლოკი შეემსუბუქებინა

თურქეთი ისრაელს ომით ემუქრება