ირაკლი კობახიძე: მზად ვარ, ენერგეტიკის მინისტრთან კონსულტაციებში საჭიროების შემთხვევაში მეც ჩავერთო

2017-02-07 15:12:27, 2064 ნახვა

პოლიტიკა კომენტარი

„გაზპრომთან“ გაფორმებული ხელშეკრულების საკითხზე ოპოზიციას ენერგეტიკის მინისტრთან საპარლამენტო ფორმატში დისკუსია სურს.

პარლამენტის თავმჯდომარემ ამ თემაზე განაცხადა, რომ კახი კალაძესთან კონსულტაციები უნდა გაგრძელდეს და საჭიროების შემთხვევაში, მზადაა, ამაში თავადაც ჩაერთოს:

„რაც შეეხება გაზპრომის საკითხს, ეს საკითხი დასვა ოპოზიციამ, მათი სურვილია, რომ ენერგეტიკის მინისტრი და ვიცე პრემიერი ჩაერთოს საპარლამენტო დისკუსიაში ამ კუთხით, გუშინაც ბიუროზე განვიხილეთ ეს საკითხი. უნდა გაგრძელდეს კონსულტაციები ენერგეტიკის მინისტრთან და გამოვთქვი მზადყოფნა, რომ საჭიროების შემთხვევაში მეც ჩავერთო კონსულტაციებში“,-აღნიშნა ირაკლი კობახიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან