უკრაინის ევროკავშირში გაწევრიანება ზიანს მიაყენებს უნგრეთის ეკონომიკას, – ამის შესახებ უნგრეთის პრემიერ-მინისტრმა, ვიქტორ ორბანმა ადგილობრივ რადიოსთან ინტერვიუში განაცხადა.

ორბანის თქმით, უკრაინის ევროკავშირში გაწევრიანება არ იქნება სასარგებლო უნგრეთისთვის, რადგან ის საფრთხეს უქმნის უნგრეთის ეკონომიკას.

ორბანმა აღნიშნა, რომ უნგრეთმა ომის გამო სამი წლის განმავლობაში რამდენიმე მილიარდი ევრო დაკარგა. მისივე თქმით, ქვეყანას არ ექნებოდა ასეთი ეკონომიკური პრობლემები, თუ უკრაინისთვის გაგზავნილი თანხები ევროპის ეკონომიკაში დარჩებოდა.

„თუმცა ევროპელი ლიდერები განაგრძობენ ომისკენ სწრაფვას და უკრაინის მხარდაჭერას ამერიკული ხელმძღვანელობის ნების წინააღმდეგაც კი. ჩვენ არ შეგვიძლია უკრაინისა და უკრაინის არმიის დაფინანსება და მხარდაჭერა შეერთებული შტატების გარეშე“, – განაცხადა ორბანმა.

ამასთან, ვიქტორ ორბანმა ევროკავშირის მნიშვნელოვან პრობლემად უკრაინული არმიის შენახვის აუცილებლობა დაასახელა.

„ფული, რომელიც მათ იქ უნდათ დახარჯონ, შეგვეძლო, სახლში დაგვეხარჯა. ფული, მათ შორის ჩვენი, მათ უკრაინაში ურიკებით მიაქვთ“, – განაცხადა უნგრეთის პრემიერ-მინისტრმა.

მისივე თქმით, „ევროპის სახალხო პარტიას“ სურს უკრაინის ევროკავშირში შეყვანა, რაც უნგრეთის ეკონომიკას გაანადგურებს.

ვიქტორ ორბანმა მოუწოდა მოქალაქეებს, გამოხატონ თავიანთი პოზიცია უკრაინის ევროკავშირში გაწევრიანების შესახებ და მონაწილეობა მიიღონ შესაბამის გამოკითხვაში.

„ბრიუსელში ფიქრობენ, რომ უკრაინის დასაფინანსებლად საჭიროა უზარმაზარი ერთობლივი სესხის აღება, რადგან ევროკავშირის ლიდერებმა იციან, რომ დამოუკიდებლად არ შეუძლიათ უკრაინის მხარდაჭერა“, – აღნიშნა ორბანმა.

მისივე თქმით, ახლა საჭიროა ევროპის ვალებში ჩაძირვის თავიდან აცილება.

შეგახსენებთ, უნგრეთის პრემიერ-მინისტრმა, ვიქტორ ორბანმა გასულ თვეში განაცხადა, რომ მოსახლეობაში გამოკითხვას ჩაატარებს, სურთ თუ არა უკრაინის ევროკავშირში გაწევრიანება.

ბუდაპეშტში 29 აპრილს გამართული მოლაპარაკებების შედეგად უკრაინა და უნგრეთი შეთანხმდნენ რეგულარულ კონსულტაციებზე, რათა განბლოკონ უკრაინის ევროკავშირში გაწევრიანების შესახებ მოლაპარაკებები. ვიქტორ ორბანმა უკვე საჯაროდ მისცა ხმა უკრაინის ევროკავშირში გაწევრიანების წინააღმდეგ.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება