2025-04-16 11:05:28, 599 ნახვა

---

აშშ-მა უარი თქვა, ხელი მოეწერა განცხადებაზე, რომლითაც უნდა დაეგმოთ სუმზე რუსეთის სარაკეტო დარტყმა

ამერიკის შეერთებულმა შტატებმა უარი თქვა, ხელი მოეწერა „დიდი შვიდეულის“ განცხადებაზე, რომლითაც გაერთიანების წევრ სახელმწიფოებს უნდა დაეგმოთ უკრაინის ქალაქ სუმზე რუსეთის სარაკეტო დარტყმა, – ამის შესახებ „სიენენი“ კანადის მთავრობის ანონიმურ მაღალჩინოსანზე დაყრდნობით წერს.

„ჩვენ ამას დიდ მნიშვნელობას არ ვანიჭებთ ამ მომენტში, მაგრამ ფაქტია, რომ აშშ-მა უარი განაცხადა უკრაინის შესახებ განცხადებაზე ხელის მოწერაზე, რომელსაც „დიდი შვიდეულის“ სხვა წევრები დაეთანხმნენ“, – განაცხადა ანონიმურმა წყარომ.

კანადის საგარეო საქმეთა სამინისტრომ „სიენენს“ განუცხადა, რომ არ გააკეთებს კომენტარს ამ საკითხზე.

მანამდე „ბლუმბერგმა“ გაავრცელა ინფორმაცია, რომ აშშ-მა უარი თქვა „დიდი შვიდეულის“ განცხადების მხარდაჭერაზე, რომელშიც გმობდნენ რუსეთის დარტყმას უკრაინის ქალაქ სუმზე, რადგან აშშ-ის ოფიციალური პირები შიშობდნენ, რომ ეს ზიანს მიაყენებდა მოსკოვთან მიმდინარე მოლაპარაკებებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი