დონალდ ტრამპს სჯერა, რომ რუსეთს ომის დასრულება სურს, - ამის შესახებ თეთრი სახლის პრესსპიკერმა, კეროლაინ ლევიტმა ბრიფინგზე განაცხადა.

მისივე განცხადებით, გასულ პარასკევს, სანქტ-პეტერბურგში გამართულ შეხვედრაზე რუსეთის პრეზიდენტ ვლადიმერ პუტინსა და აშშ-ის პრეზიდენტის, დონალდ ტრამპის სპეციალურ წარმომადგენელ სტივ უიტკოფს შორის „პროდუქტიული საუბარი“ შედგა.

„სტივ უიტკოფსა და დონალდ ტრამპს სჯერათ, რომ რუსეთს ამ ომის დასრულება სურს. რუსეთისთვის მოტივი არსებობს იმისთვის, რომ ეს ომი დაასრულოს და შესაძლოა, ეს აშშ-თან ეკონომიკური პარტნიორობა იყოს. მაგრამ, პირველ რიგში ჩვენ ცეცხლის შეწყვეტა უნდა ვნახოთ და პრეზიდენტმა და სპეციალურმა წარმომადგენელმა, უიტკოფმა რუსებს ეს ნათლად განუცხადეს“, - აღნიშნა თეთრი სახლის პრესსპიკერმა.

ცნობისთვის, აშშ-ის პრეზიდენტის, დონალდ ტრამპის სპეციალურმა წარმომადგენელმა ახლო აღმოსავლეთში, სტივ უიტკოფმა რუსეთის პრეზიდენტთან, ვლადიმერ პუტინთან შეხვედრის შემდეგ Fox News-თან ინტერვიუში განაცხადა, რომ უკრაინაში ცეცხლის შეწყვეტის შესახებ რუსეთთან მოლაპარაკებებში პროგრესია.

„ეს მნიშვნელოვანი შეხვედრა იყო და შეხვედრის ბოლოს ჩვენ იქამდე მივედით, რაც მუდმივი მშვიდობის მისაღწევად პუტინის მოთხოვნას წარმოადგენს. ჩვენ პასუხი მივიღეთ. სამშვიდობო შეთანხმება ე.წ. ხუთი ტერიტორიის შესახებ არის“, - განაცხადა სტივ უიტკოფმა.

ავტორი: ექსპრესნიუსი,

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად