2025-04-09 19:59:06, 728 ნახვა
ეკონომიკა
მედია - ტრამპის მიერ დაწესებული ტარიფების გამო ევროპასა და აზიაში აქციების ფასები დაეცა
დონალდ ტრამპის მიერ დაწესებული ტარიფების გამო აზიაში აქციების ფასები დაეცა.
ჰონგ კონგში, „ჰანგ სენგის“ ინდექსი გახსნის დროს სავაჭრო სესიაზე 3.1 პროცენტით დაეცა. ტაივანის საფონდო ინდექსი დაახლოებით მინუს ერთი პროცენტით გაიხსნა.
სამხრეთ კორეის „კოსპის“ ინდექსი 0.8 პროცენტით შემცირდა, რაც ყველაზე დაბალია 2023 წლის ნოემბრის შემდეგ.
კლებას განიცდის ევროპული აქციების ფასებიც. დასავლური მედიის შეფასებით, აშშ-ის მკვეთრი საპასუხო ტარიფების შემოღებამ გააღრმავა შიში სავაჭრო ომით გამოწვეული ეკონომიკური ზიანის შესახებ.
ამასთან, პანევროპული „სტოქს 600“ 2.4 პროცენტით დაეცა.
ავტორი: ექსპრესნიუსი,
epn.ge (@expressnews.ge)
