გაერთიანებული სამეფოს ბიზნესის მინისტრის, ჯონათან რეინოლდსის თქმით, აშშ-ის პრეზიდენტ დონალდ ტრამპის მიერგამოცხადებული ტარიფები საფრთხეს უქმნის გაერთიანებულ სამეფოს, რადგან ის ზიანს მიაყენებს გლობალურ ვაჭრობას.

რადიო Times-თან საუბრისას რეინოლდსმა განმარტა, რომ ყველაფერი, რაც არღვევს გლობალურ სავაჭრო სისტემას, წარმოადგენს საფრთხეს გაერთიანებული სამეფოსთვის.

„ნებისმიერი ბარიერი ვაჭრობისთვის, განსაკუთრებით გაერთიანებულ სამეფოსა და ჩვენს მთავარ სავაჭრო პარტნიორს შორის, რომელიც შეერთებული შტატებია, ჩემთვის იმედგაცრუებაა. ეს არის გამოწვევა. ვაღიარებ, რომ გაერთიანებული სამეფო უკეთეს მდგომარეობაშია, ვიდრე ბევრი სხვა ქვეყანა იმისგან, რაც გუშინ ღამით გამოცხადდა, მაგრამ მე მაინც იმედგაცრუებული ვიყავი“, - აღნიშნა მინისტრმა.

შეგახსენებთ, დონალდ ტრამპმა აშშ-ში იმპორტირებულ თითქმის ყველა საქონელზე მინიმუმ, საბაზისო 10%-იან ტარიფი გამოაცხადა. ტრამპის გადაწყვეტილებით, 34%-იანი ტარიფი დაუწესდება ჩინეთს, ევროკავშირს - 20%-იანი, ვიეტნამს - 46%-იანი, ტაივანს - 32%-იანი, იაპონიას - 24%-იანი, ინდოეთს - 26%-იანი, სამხრეთ კორეას - 25%-იანი, ტაილანდს - 36%-იანი, შვეიცარიას - 31%-იანი, ინდონეზიას - 32%-იანი, მალაიზიას - 24%-იანი, გაერთიანებულ სამეფოს - 10%-იანი, ისრაელს - 17%-იანი, სამხრეთ აფრიკას - 30%-იანი.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი