2021-04-24 17:10:51, 717 ნახვა

---

გიორგი ვაშაძე - თალაკვაძის გადადგომით საბოლოოდ გაფორმდა, რომ „ქართული ოცნება“ შეთანხმებაში თავს დამარცხებულად თვლის

თალაკვაძის გადადგომით საბოლოოდ გაფორმდა, რომ „ქართული ოცნება“ თავს თვლის დამარცხებულად ამ შეთანხმებაში, - ასე აფასებს „სტრატეგია აღმაშენებლის ლიდერი, გიორგი ვაშაძე პარლამენტის თავმჯდომარის თანამდებობიდან არჩილ თალაკვაძის გადადგომას.

მისი თქმით, „ქართულმა ოცნებამ“ თალაკვაძის გადადგომით აღიარა, რომ ქვეყანაში ჰყავს პოლიტპატიმრები და 2020 წლის საპარლამენტო არჩევნებს ლეგიტიმაციის პრობლემა ჰქონდა.

„თალაკვაძის გადადგომით საბოლოოდ გაფორმდა, რომ „ქართული ოცნება“ თავს თვლის დამარცხებულად ამ შეთანხმებაში. დიახ, დამარცხებულად თვლის თავს იმიტომ, რომ მას მოუწია ეღიარებინა, რომ ქვეყანაში ჰყავს პოლიტპატიმრები; დამარცხებულად თვლის თავს იმიტომ, რომ მას მოუწია დათანხმება ამ პოლიტპატიმრების გათავისუფლების მექანიზმზე; დამარცხებულად თვლის თავს იმიტომ, რომ მას მოუწია ეღიარებინა, რომ 2020 წლის საპარლამენტო არჩევნებს ჰქონდა ლეგიტიმაციის პრობლემა და ფაქტობივად ხალხის ხმით რეფერენდუმი ჩაიდო ამ შეთანხმებაში, რომელიც გაფორმდა“, - განაცხადა გიორგი ვაშაძემ.

ცნობისთვის, არჩილ თალაკვაძემ პარლამენტის თავმჯდომარის თანამდებობა დატოვა და პოლიტიკურ საქმინობას საკანონმდებლო ორგანოს ვიცე-სპიკერის პოზიციაზე განაგრძობს. რაც შეეხება პარლამენტის თავმჯდომარის თანამდებობას, „ქართულმა ოცნებამ“ აღნიშნულ პოზიციაზე კახა კუჭავას კანდიდატურა დაასახელა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი